Pasqua e Pasquetta nelle poesie di Cornelio Galas

20/04/2025

«Profumi de Pascua» e dopo vèi... «Pascueta»

Profumi de Pasqua	Pasquéta
Dal bùs arènt a quela fornèla, che ancòra la savéva de stèle, vegnìva fòr ‘n saór de dréze… ‘l nàs magnéva prima dela bóca. Denór me nòno, i amizi cazadóri, e i marangoni: sàbo se lavoréva, tuti lì, col bicieròt de bianco a far le Glorie dopo la Pasióm. «Dài Maria, tàia zó le luganeghe che a stómech vot ‘l vim fa mal.» Se parléva del mém pù che del pù, che bel se dopo la fussa nada meio. Nei òci de quei veci, se vedeva tut: dó guere, ’l Pipo sora le so teste, amizi partìdi e mai vegnui de volta, fioi morti perché no gh’era medizìne. En banda, su quel mur da sbianchezàr, tacàe col ciòdo, le pòle dele Palme, le savéva ancora de ciésa, benedizióm e’l cunèl nela padèla féva za fazióm. «Via bòci, né adés defòra dai a zugàr, po’ subit i compiti e basta col begàr.» Me mama la sgarzéva en tuti i armàri, i me maioni lizéri i paséva ai fradèi. «Che no suzéda come la Pascua pasàda, quando avé begà per que l’òf pu grant, se spàca tuta quela bona ciocolàta… e po’ se sa la va spartìa tra voi trèi.» Ah se la Pascua fussa davéra resurezióm de quei che n’ha mes al mondo a so temp, podérli abrazàr, dirghe quel che pensém, adés che 'n testa no gh'è sol zugar, begàr.	La vèi, ma varda tì, semper de luni, e giust dopo la Pascua del dì prima, la matina la serve per la digestióm de quel che s’è butà zò de domenega. Po’, de solit, se và fòra dala porta, per en giro a veder come stà i altri. Perché tuti, a Pascuéta i è cosìta… encoconài, con poca voia de vanzaròti. Envanti e ’ndrio, senza saver perché, de chì, de là, e domam se va a laoràr, en su ‘n zó, fim che osc’ia vei fàm, e alóra se se trova tuti nela pizeria. Propri lì, toh, gh’è anca i do suoceri, e quei amizi che mal se n’è parla tant, e varda en banda: gh’è chi el Giovàni, che ghe devo dei soldi da l’alter am… Nadal coi tòi, a Pascua con chi te vòi, ma nesùni che àbia mai dit la verità su quel che te pòi far, en stà giornada, se non nàr fòra de cà, senza stì gazèri. E che dir del Berto, per tuti ’n sémo? L’ho vist cola zàpa, nar ‘n campagna. Ghe fago: «’sa fàt ancoi, vat a vangàr?» ’l m’ha vardà mal, empizàndo na cica. «L’è Pascuéta dai, ’n do vat osc’ia?» E lù, co na mam me manda a quel paés: «Mi ’l conosso bem ’l calendari, ieri no l’era Pascua, ma ’l prim de april».

Profumi de Pasqua

Pasquéta

Dal bùs arènt a quela fornèla,
che ancòra la savéva de stèle,
vegnìva fòr ‘n saór de dréze…
‘l nàs magnéva prima dela bóca.

Denór me nòno, i amizi cazadóri,
e i marangoni: sàbo se lavoréva,
tuti lì, col bicieròt de bianco
a far le Glorie dopo la Pasióm.

«Dài Maria, tàia zó le luganeghe
che a stómech vot ‘l vim fa mal.»
Se parléva del mém pù che del pù,
che bel se dopo la fussa nada meio.

Nei òci de quei veci, se vedeva tut:
dó guere, ’l Pipo sora le so teste,
amizi partìdi e mai vegnui de volta,
fioi morti perché no gh’era medizìne.

En banda, su quel mur da sbianchezàr,
tacàe col ciòdo, le pòle dele Palme,
le savéva ancora de ciésa, benedizióm
e’l cunèl nela padèla féva za fazióm.

«Via bòci, né adés defòra dai a zugàr,
po’ subit i compiti e basta col begàr.»
Me mama la sgarzéva en tuti i armàri,
i me maioni lizéri i paséva ai fradèi.

«Che no suzéda come la Pascua pasàda,
quando avé begà per que l’òf pu grant,
se spàca tuta quela bona ciocolàta…
e po’ se sa la va spartìa tra voi trèi.»

Ah se la Pascua fussa davéra resurezióm
de quei che n’ha mes al mondo a so temp,
podérli abrazàr, dirghe quel che pensém,
adés che 'n testa no gh'è sol zugar, begàr.

La vèi, ma varda tì, semper de luni,
e giust dopo la Pascua del dì prima,
la matina la serve per la digestióm
de quel che s’è butà zò de domenega.

Po’, de solit, se và fòra dala porta,
per en giro a veder come stà i altri.
Perché tuti, a Pascuéta i è cosìta…
encoconài, con poca voia de vanzaròti.

Envanti e ’ndrio, senza saver perché,
de chì, de là, e domam se va a laoràr,
en su ‘n zó, fim che osc’ia vei fàm,
e alóra se se trova tuti nela pizeria.

Propri lì, toh, gh’è anca i do suoceri,
e quei amizi che mal se n’è parla tant,
e varda en banda: gh’è chi el Giovàni,
che ghe devo dei soldi da l’alter am…

Nadal coi tòi, a Pascua con chi te vòi,
ma nesùni che àbia mai dit la verità
su quel che te pòi far, en stà giornada,
se non nàr fòra de cà, senza stì gazèri.

E che dir del Berto, per tuti ’n sémo?
L’ho vist cola zàpa, nar ‘n campagna.
Ghe fago: «’sa fàt ancoi, vat a vangàr?»
’l m’ha vardà mal, empizàndo na cica.

«L’è Pascuéta dai, ’n do vat osc’ia?»
E lù, co na mam me manda a quel paés:
«Mi ’l conosso bem ’l calendari,
ieri no l’era Pascua, ma ’l prim de april».