Pascua come te vòi… – Di Cornelio Galas

El so, Pasqua se scrive co la «Qu». La scrivo apòsta co la «C» perché a so temp, ale elementari de Bolignam, la maestra Laura (pòra dona, quante ghe n’avém fàt), la m’aveva dàt en castigo propri perché m’ero sbaglià: scriver zento volte (m’aveva aiutà i méi perchè savévo contar solo fim a dése) Pasqua co la «qu».
 
Na ròba che no ho mai capì – anca se tanti i ha zercà de spiegarmela – l’è perché Pascua la vèi semper de doménega.
Va bèm la luna, l’equinozio, che no la pòl vegnir dopo el ventizinque de april e prima del vintidó de marz.
Gh’è la Pasqua bàssa: fim al do de april. Quela media fim al trédese de april. Quela alta, dal quatòrdese al vintizinque de april.
 
E tut mal, a diferenza del Nadàl, che ‘l pòl vegnir anca de lùni, per dir così te ghe tàchi pònti e ferie varie, Pascua, vòltela e rivòltela come na fortàia, la casca propri de domenega. Bisogna fàrs’en na resòm.
Ma gh’è altre robe che fà pù de nà fìza a propòsit de Pascua.
 
Scominziém con quel déto: «Nadàl coi tói e Pascua con chi te vòi».
Gnent de pu fals. Almém fin quando i tói no i deventa vèci. Che alora vot no passàr la Pascua con lòri? E prima ancora gh’è i suoceri: «’sa fé a Pascua st’am? Vegniré bèm a magnar con noi neh…».
A Pascua, se sa, la và de òvi. Pu grandi i è – se pensa semper – e pu bèla l’è la sorpresa.
Po’ te te scòrzi che ala fim fim gh’è denter la solita batarìa de plastica, magari che vèi da la Cina.
Che sùbit te devi tirarghe via da la bòca del bocia … prima che ‘l se stofega.
 
Pascua l’è la resurezióm dei morti.
Me som sèmper domandà se l’è propri vera. Ma soratut gò en dùbi, gross come na casa:
«Quel che, prima de morir l’era en bastardo, quando el redeventa vif saràlo gualìf?»