El dì prima de Nadal – Di Cornelio Galas

>
Come se ne l’aria, ghe fùs qualcòs,
che te fà nàr pù ‘n prèssa del sòlit,
come se no te arivéssi, anca de corsa,
a binàr ‘nsèma tut quel te gài ‘n testa.
Perché, tuti, propri tuti, ‘ntorno, i par ciapài
da sti sgrìsoi de la festa che zamài l’ariva.
Pàchi, pachéti e pachetòni…
dénter e fora da botéghe, e po’ cargài.
 
Auguri, auguroni a tuti a casa neh,
ma zà te volti ‘l cul: bisogna nàr.
No sbàva pù, come na volta,
i boci che spetéva la matina prèst:
no i gà scrit a Babo Natale: el zòch
i ghe la ‘nsegnà col dé, dala vedrìna,
al papà, ala mama che po’ i l’ha comprà.
 
Vardo el sito, dove féven l’alber,
con tacà su caròbole, ciocolatini,
pòmi sechi tirài zò dale arèle.
Gh’era candele, quele vere: sta ‘tento pòpo,
volta ben quèla, se no se brùsa tut…
Polenta e cunèl, de quei dei nòssi,
e po’ en bel zèlten fat da la nona,
brustolà ‘n pél soto… la l’aveva
desmentegà n’atimo nela fornèla.