Curarse senza dotóri e medizìne – Di Coprnelio Galas

Pensé de tòr zó le goze per dormir? Gavé altri malani?
A forza de nar avanti e n’drio dai ospedai e dai medizi me son fat ormai na cultura. Che come sempre ve regalo.
Perché son bom come el pan de molche, ma no stè esagerar che dopo el ve se ‘ncioda nel stomech.
Alora, partim co la prima lezióm e col concèto che conta de pù.
Noi, omeni, done, puteloti sem praticamente dele machine. E come le machine – anca se te le lassi nel garage col nylon ancora sui sentai – prima o dopo dovém darne na regolada. Ecola, come l’è:
 
LA PRESSIOM.
La regolé ogni tant anca ale gome, quindi dovè farlo anca voi.
Però sté atenti. No se la misura sol su ‘n den braz. Ma su tuti doi. E anca su tute doe le gambe.
Èla alta? Alora ve meté na man en mez ale gambe. Seré… seré el bus che gavè lì (quel dei omini le pu picol, basta do dei e schizar).
Po fe en sforzet e buté fora l’aria en pù dal de drio. Ades no so come ve sà pu comot a voi, ma mi diria che davanti (i brazi) se poderia star sule tre atmosfere.
De drio (le gambe) va bem anca el do e mez. Po dipende se sa dale stagióm.
 
L’ALIMENTAZIOM.
E se sà che l’è emportante. Senza corente no se ‘mpiza gnente.
Alora, do bele pile entant. No quele ricaricabili che tanto dopo le desmenteghé en giro… e le costa de pù. No basta quele che te trovi ala cassa del poli, quele normali.
Te stai atento al segnet, pù, men. Da na banda uno, da na banda l’altro, sula lengua.
Se te sente en brusor, no l’è gnente, vol dir che ghè corente. E che te te stai cargando.
Se no te sente gnènt l’è le pile ricaricabili che t’hai tot for da l’armadiet per sbaglio… e che le è zà da ricaricar.
 
LE LUCI.
No ghe vedè pu tant ben? L’è perchè tegnì empizà i oci tut el dì.
El so che ghè la lege che obliga a farlo. Ma sol ne le strae extraurbane.
A casa, entant che laoré (se savé a memoria la tastiera del computer per esempio) no ocór. E così le ve dura de pù. Capset come?
 
OSCIA...
Me son desmentegà de dirve cosa far per la presióm bassa. Scuseme, rimedio subit.
Alora praticamente fé la stessa operazion che avè fat per la presiom alta.
Sol che dal de drio enveze che farla nar for (l’aria) la metè dentro.
No stè… usar compressori che ve fè del mal. Basta la pompa de la bici (gavrè qualchedum che ve dà na man en casa).
Sentì subit (basta tocarse brazi e gambe) quando la pressiom l’è quela giusta…
 
DOPO EN TOT DE CHILOMETRI.
Eco, fàte tute ste revisiom, no l'è che podé no darghe pu n'ociada al vós autìm.
Ogni tot chilometri (disénte pàssi valà) sarìa meio rifar le istesse prove che v'ho dit.
L'è n'atimo, neh, trovarse col balóm su drìt (cioé mòl ma en su) e la schéna per tera.
Co la zènt che ve passa denor e che la dìs:
«Tèi, vàra. Epura el s'ha semper tegnù curà... Ah, 'sa vòt, a na zèrta età el Sioredio el decide per so cont per tuti...»