Carneval tut l'an – Di Cornelio Galas

QUEL TUT CASA E CESA.
Che se i ghe sgriffa l'autim el deventa na bestia. No 'l fa la constataziom amichevole.
El ciama i vigili, la polizia, l'esercito. E po’ el va en giro col colarim sol quando el va a messa.
 
QUEL DAL BRAZOT CORT.
Che na volta l'aves pagà el cafè al bar, na volta el se fus ricordà de renderte en favor.
Sto chì el sparmia anca su la maschera. Perchè propri no 'la mete: così l'è.
 
QUEL CHE VOLTA' L'ANGOL.
El parla de colp al contrari. Tute le robe bele sul to cont le deventa come quela roba che te rumega nel stomech...e po te buti sù.
 
QUEL CHE ME BASTA LA ME SPOSA.
E dopo el fa cicì e ciciò con tute le done. Basta che le ghe daga da ment.
 
QUEL CHE STI ANI.
El vive nel so bel mantel nero. Che ghe sconde tut trane che el de drio.
E el bel l'è che per questo anca na repetada la deventa storia da contar.

QUEL CHE TEI, NO TE SAI CHI SOM.
Ma sì, na volta te fevi el finanzier. Te fevi paura. Ades però sior no vedelo che ghe n'è almen zinque davanti a lu nela fila?
(e no l'è miga finia chi...)
 
QUEL CHE TE CIAMO DOMAN.
Dela stimana del no se sa, del mes del miga, de l'am del mai.
 
QUEL CHE TE SAVESSI...
Come se magna bem en quel posto. Come se sta bem en quell'albergo.
Come i te trata bem en quela botega. E en quei posti, te te scorzi dopo, no i l'ha mai vist.
 
QUEL CHE PRESTEME LA MACHINA.
Che gò da nar chi vizim. E el te la rende che no ghè pu zo gnanca en goz de benzina.
 
QUEL CHE NO GO TEMP GNANCA PER PIANZER.
E tel vedi tut el dì al bar a zugar coi videopoker.
 
QUEL CHE AH L'ERA NA BRAVA PERSONA.
E 'l aveva mandà en mona proprio el dì prima che el nés a farse ciavar.
 
QUEL CHE PROPRI 'N STO MOMENT...
El léze ste righe e 'l pensa: ma quante monae scrìvelo sto Galas su l'Adigét?
E 'l diretor Guido ghe làssel dal bom far tut quel che 'l vòl?***

QUEL CHE GHE PAR DE ESSER BATMAN.
E alora 'l se buta nela pisìna col sugamàm come mantel ciapàndo semper dele brute spanzàe...
 
QUEL CHE DIS SEMPER CHE NO 'L VARDA EL FESTIVAL DE SANREMO.
Ma 'l sa a memoria zamai tute le canzom. Anca quéa de «Tuta l'Itaglia».
 
QUEL CHE COL COVID...
'L stéva 'tento anca ale mìgole del pam restàe sui bàfi. E adès se no te fai prest el fa la scarpeta sul to piàt.
 
QUEL CHE TE ME FAI MORIR DAL RIDER.
Ma no 'l mòre mai, diàolpòrco.

QUEL CHE DA STE GUERE, DA STE VIOLENZE NO VEGNIREM MAI FORA.
E a casa, se ghe gira le bale, el pesta la sposa, i fioi e anca i neoi.
 
QUEL CHE LA NEVA MEIO QUANDO LA NEVA PEZO.
Ma 'l la pensa viceserva.
 
QUEL CHE BASTA TE STOMEGHI.
E alora la piantém chi.
 
°°°PS DEL GUIDO:
El Galas el pòl scriver quel che ‘l vol. No gh’è mal de bàle.