El trentim co la machina nova – Di Cornelio Galas

Ma, oscia, no gh’elo gnent de positivo? – Come no: el tampóm del Covid!

(ha appena acquistato una vettura nuova, parcheggia con attenzione, esce e pulisce col fazzoletto un piccolo quasi invisibile alone sulla carrozzeria, passa un amico)
- Ah tei gai i soldi can da l’ua, machina nova vedo, ’pena vegnua fora dal salóm, neta come ’n pòm…
«Ma sì, ghera ‘na bona ocasiom… tant al més… ah quel’altra zamai la gaveva su trezentomili e passa chilometri, se spendeva pu en riparaziom che de benzina… la perdeva i tochi…»
- Oscia, ma te gai ancora el nàilom sui sentài… tirei via valà…
«Fin che podo tegnirla neta… po’, sat, vol dir anca no fumarghe denter, men polver, pensa che l’è tuta eletronica… te schizi ’n botòm e la parte, la parchegia da sola, ’na televisiom picola co la signorina che la te dis dove svoltar, dove nar, se ghè cóa, se piove…»
- Bem, se piove tel vedrai anca co i to oci no…
«No ho bem vardà le istruzióm ma me sa che la te sa dir anca quando el smete e quando pol ritacar via de nof a piover… ah ’na bela comodità, i l’enventa tute al dì de ancoi.»
- Dai fame far en giro.
«Saria bèm de corsa… Ma sì valà… fem en giret; picol però…»
 
(l’amico sale in auto)
- Senti che spuza de nòf, eh ma te verai che temp ‘na stimana, po’ basta la prima botesèla, la prima rasàda de paraurti…
«Ma figurete, le machine mi le ho semper tegnude come ‘n bombo.»

(mette in moto)
- Vara che chi no ghè miga el divieto dei trenta e gnanca dei zinquanta, oscia te sei ancora ‘n seconda.
«L’è en rodagio ancora.»
- Sì, ma se te la tegni su così tant de giri però la se cola prima del temp.
«No no, le è così ste machine, bisogna tegnirle en po’ alegre col motor se no le s’engolfa.»
 
(l’amico, perplesso)
- Sarà…
«Toh, vara, vara, quei de le bici sèmper en mez, la Provincia la spende milioni per farghe le so piste… e lori i và sule strae dele machine… che no i paga gnanca bol, assicurazióm, me sa che con quele face da palpapiam no i paga gnanca le tasse, oscia le pago mi ‘ste strae e anca quele dove i vol nar…»
- Vara che te poi sorpassar chi.
«Sì e se dopo vei zò qualcòs dal camiom? Quela zent lì la tira drit sat, i se ne ciava se ti te gai en dan.»
- Me par che te sei massa en mèz a la straa
«L’è per no farme sgrifar la portiera da quei sacramentaifeli dele bici… Toh, vara, quel là, en qua en là, senza le geme, se ‘l và denter en galeria no tel vedi miga neh… Eco e quel lì che vol traversar… vago, stago… Oscia decidete… Po’ vara meio i semafori de na volta che ste rotatorie, adès se no i sa cossa far i fa na rotatoria, te continui a far girotondi, con quei che magari te vei denter de corsa… che enveze i dovria spetar el so turno no… sat che ‘na volta squasi vago contro un che l’aveva ciapà la rotatoria contro mam? Ma dime ti…»
- Scolta dai che ne fermém a bever qualcòs così sto por motor el respira n’atimim valà.
 
(vanno al bar)
- Tutmal bela machinota, bravo, contenta la sposa?
«Ah quela l’ha zà dit che no ghe pias el color, ma oscia, quela ghera se te la volevi subit se no t’avressi dovù spetar la fim de l’istà… bom ‘sto prosechin però, el se lassa…
- Dai che te ofro n’altro giro così bagném la machina….
«Grazie, sat, anca perché me sa che ho lassà el tacuìm en machina adès che me palpo le scarsele dele braghe, tei dago dopo…»
 
(dopo tre prosechi a testa rimontano in macchina)
Attraversa la strada un gatto, per schivarlo finisce contro il guard rail e striscia tutta la fiancata)
«Madonaaaa… madonaaaaa… (mani nei capelli) Vara, vara… Odìo me vei mal…
- Scolta, tranquilo, ciamèm i vigili, ghe disèm che l’è successa per no narghe adòs a um co la bici che de colpo el voleva svoltar…. e che dopo l’è scapà…. così co l’asicurazióm te sei a posto…. Ah te verai che i te la tira fora pu bela de prima…
«Te la fai fazile tì…»
 
(l’amico chiama la polizia locale – Arriva una pattuglia)
- Buongiorno, allora cosa è successo?
«El varda, ghè chi anca el me amico che ‘l pol testimoniar, tut colpa de uno co la bici,.el m’ha taià de colp la straaa, alora mì per no ciaparlo soto ho tira tut sech vers la campagna no… e el varda qua, machina apena comprada.»
- Patente e libretto intanto.
(guarda nel cruscotto…nel portafoglio, e…)
«Oscia vot veder che ho lassà tut a cà….che ho cambià le braghe stamatina e anca la fodra de plastica dove ghera le carte de la machina… ’cramento avevo tot fora ieri sera tut per lezer el libret dele istruziom, de la manutenzióm. El vara sior vigile… abito demò a dese chilometri, vago e vegno…
- Eh mi dispiace ma per il verbale… E poi lo saprà, patente e libretto devono essere sempre a bordo…
«Ma sì el gà resòn… El faga pur la paternale.»
- No, verbale, verbale… la constatazione del sinistro.
«Nò a sinistra, mi me som butà tut su la me destra, el ghe domanda al me amico chi…»

(L’amico)
- Sì, sì, quel de la moto el vegniva propri da la destra e ’l voleva svoltar per nar lavìa, vedelo?
(il vigile, perplesso)
- Ma non si trattava di un ciclista?
(l’amico)
- Sì ciclista, motociclista… Semper un su do roe volevo dir (gli scappa un rutto).
(vigile)
- Scusate, ma non è che siete un po’… diciamo… avete bevuto alcolici insomma?
«Ma no, no oscia… Sì, en bicier prima… Forsi doi… Ma picoi neh!»
(Il vigile al collega)
- Dai che facciamo il test, a scanso di equivoci…
 
(Poco dopo)
- Ecco, basta soffiare qui dentro…
 
(Dopo i risultati)
- Mi dispiace ma qui siamo fuori… non di moltissimo ma siamo comunque fuori dai limiti consentiti… Eh qui mi sa che dobbiamo chiamare il carro attrezzi… Potete telefonare a qualcuno?
«Come, no vala pu la machina? No me par che se sia enciodà el motor…»
(vigile)
- No è che in questi casi scatta il sequestro del veicolo capisce? Poi lei non ha nemmeno libretto e patente e per giunta non potrebbe nemmeno mettersi alla guida in questo stato…
 
(rivolto all’amico)
«Ma… ma… ’sa faga adès…?»
- Ciamo el Pero, sat quel che ha sposà me sorela, che ‘l deve averghe la botega da ‘ste bande… Ne fem dar en tirom a me cà… che dopo da lì te porto dala sposa co la me Ape…
«Oscia e che ghe diga ades ala sposa… Dovevo anca nar en farmacia e a torghe en pach ala Posta… Ma tute ancoi… tute ancoi… el savevo mi che dovevo nar per la me straa… La machina nova rota… Ades i me la porta anca via… multe, gazèri…»
 
(arriva il carro attrezzi)
«Oh oh piam neh… che la se sfrisa a nar su…»
(il carrozziere)
- Me sa che pu sfrisàda de così…
 
(dopo un paio di ore torna a casa, la moglie)
- Scolta, ela l’ora de tornar a casa? T’hai desmentegà chi tacuìm, telefonim, carte dela machina, patente… Ma ‘n do gat la testa? E… e… ’n do ela la machina?
«Vara, no te ghe crederai… Ho ‘ncontrà el Dario, sat quel che l’è ‘pena nà en pensiom, che el gà na sorela che l’ha sposà el Nani, quel che gà la botega zò a…»
- El so el so chi che l’è… Ma la machina ‘n do ela?
«Bem, som nà a bever en caffè con lù, dopo do minuti sento en casìm… Ho pensà sarà quei dei rifiuti che rebalta del campane del vedro…e enveze…»
- Enveze?
«Enveze deve esser ‘sta qualcheduni che m’ha sfrisà tuta la machina e po’ l’è scampà…»
- Madona santissima… che gavèm ancora da scominziar a pagarla…
«Sì, ma ho ciamà subit i carabinieri sat, par che sia stà uno en bici… sat de quei che no va su le piste ciclabili…»
- E ma cossa alo fat de dam un co la bici…
«No, enveze, perché la sfrisà propri su le do portiere…»
- Va bem, ma quando te la giustei?
«Ah me sa che narà via qualche mes…»
- Te scherzerai bem…!
«No, l’è che, l’ha dit el carozier, che quela tinta lì el deve farla vegnir da la fabrica… e nol voleria che i l’aves demò finida…»
- Te l’avevo dit mi che l’era bruta quela tinta… la te stà giust bem…
«Ah, ariverà anca da pagar qualcos sat per el trasporto…»
- Ma no gavevit l’asicuraziom… per ste robe…?
«Eh, ma ho lassà le carte qua… te sai come i è i carozieri no, se no te gai le carte driomam… no i se fida…»