Ocio a l'óra giusta – Di Cornelio Galas

Adès, chi è che lo dis al gàl de zigar n’ora prima? Ah zà, adès i gali no i gh'è pù…

Se lezé 'ste righe adés me sa che zamài l'è nàda la gàza. Ensoma, avrésse dovù tirar endrìo le lanciéte de i vòssi orolòi zà da qualche ora.
Meio ancora, come i dìs, ale trée de stamatina: Op e l'è de colp le dóe. Così come per tuta la giornada (ma la narà 'envanti tanti dì ancora) saré semper lì a dir l'istessa roba:
«L'è le óndese (co la nova ora tiràda endrìo) ma sarìa zà mezdì e difati oscia... gò fàm, cramento.»
Pò stasera, a mezanòt sarà zà le una de not... «e a quela ora de solit som zà da tant a paióm, diaolporco».
 
Ensoma, l'è en scombusolamént de la madona. Che và giust bem a quei che no vegnirìa pù fòra dal let la matina e no narìa mai a dormir prima de mezanòt.
Giusta quei che quando bisognerà riportar i orolòi n'ora envanti i se troverà pù embroiài dei altri.
E tutmal se quela che avém dropà fim algiéri l'era l'ora legale, quela de adés l'è l'ora solare. Quela... naturale ma non legale.
Ensoma da méter en presóm no?
 
Va a capir quei che dis che cosìta se sparmia sula luce. M'è arivà la boléta l'alter dì... lassém perder valà che se crompévo na cassa de candele spendevo de mem.
Epura me par che quei che comanda en Europa, quei che co le legi i dìs come... endrizàr le banane prima di venderle, tant per capirne, eco, quei lì, disévo, zà l'am passà i aveva lassà che ogni Stato el fés come 'l voleva co sta ora.
Legale, solare, lunare, endrìo envanti, susora, susoto, en còsta... En Italia però no è cambià gnent e ades per en po' de mesi (fim al trenta de màrz) gh'è sto modo de contar el temp.
 
Digo la verità, no l'è che gh'en capìssa tant de ste robe. Na volta però ho vist che no 'l me savéva risponder (a na domanda) gnanca um pù studià e lezù de mi.
Gh avévo domandà: «Meti che mi sìa n'operaio dela cartéra de Riva. Che fa la not propri tra sabo e doménega quando bisogna tirar endrìo de n'ora i orolòi. En pratica que l'ora tra le dóe e le trée che ho laorà, quando se va endrìo ale dóe... 'n do vàla a finir? En cavaleria? Come se no avés laorà? Anca se laoro do volte dale dóe ale trée come en mùl che no finìs mai?»
Sto esperto el m'aveva vardà de sbiéch e po': «Sì, ma quando i porta envanti l'ora dopo te recuperi dai...».
«Va bem – gò rispost – e se entant en quei mesi me fago mal, vago en malatia o adiritura i me cambia reparto, o cambio laoro?»
«Ma và a farte ciavàr – el m'ha dit – te la fai masa encasinada la storia. Tira endrìo e envanti l'orolòi e tasi valà.»
 
Capiset come? Guai a tirarghe fòra le petole dal nas. Te ghe dài fastìdi.
Anca se tutmal i è tanti quei che nei prosimi dì i scominzierà a zercar qualcos da magnar ale óndese e meza (che sarìa mezdì passà da mezora neh) e che i pedonerà pù del solit perché no ghe par de sentirse a um co sti novi orari.
E no l'è sol la questióm de ore che va a farse ciavàr (come quel de la cartéra) ma propri de orolòi che – dài, diséntelo – per en po’ de temp i segnerà n'ora sbaliada, legale o illegale, che la sia.
Ma benedeta 'na volta quando i boci i néva a dormir subit dopo Caroselo, quando en camera se averzéva de colp le finestre e... tuti a colaziom che zamai l'è tardi per nar a scola...
Quando «quel gh'è nel piat... o magnar (ades, no tra n'ora o prima) de sta minestra o saltar dala finestra».
Ah ma forsi l'era perché alora tanti i neva envanti co le candele...