Emparar a sciar senza skilift – Di Cornelio Galas

I ferma le segiovie e i skilift - almen en Panaròta - perché i costa massa? Scòlteme mi, perché na volta...
I me primi sciòti i ho trovài soto l’alber de Nadàl, disènte zamài en bel po’ de ani endrìo. I èra en ’d’en pachét lónch, fàt co la càrta de giornài.
Ah quando l’ho avèrt … són stà me digo en pàr de óre a vardàrli, a tocàrli a far finta de averghèi ’n dòs, con me màma che goséva: «Vàra che te così te me sfrìsi le piastrèle del pavimént de la sàlaaaaa».
 
Avèva zà fiocà, e tant, en quela fìn de dezèmber. No stèvo en la pèl da la voia de provàrli.
Co ’na pezòta seitévo a netàrli. Che gnanca la facia me netévo così bem prima de nar a scola la matina.
Bèi, bèi… disèvo da per mi.
Finchè a forza de róterghe le bale, me papà el m’ha cargà tuta l’atrezatura (anca i scarpóni, quei che se ghe metéva en par de dì a ‘nzòlarli) sula Seizènto.
 
E via vèrs Vél. E po’ ai piani de Santa Barbara, vers Ronzo. Eco, proprio lì dove gh’è ancora me par el capitèl a S. Barbara, cole bombe zà sciopàe entorno per capirne, propri lì, en po’ prima de l’alberghét, sula destra vegnendo da Vél, gh’era en dòs.
Me papà el m’ha tirà zò, dal davanti, do bei ganci a mòla, el m’ha més en man do rachéte de bambù (che al prìm colp giust po’ le s’era rote neh…) e ’l m’ha dìt:
«Cornelio, pian pianìm và su ’n zìma al dòs. Vàra se fa cosìta: questo se ciàma nar su a scalèta. Piam, piam. Che dopo te digo come fàr.»
 
A metà de quel che me paréva l’Everest, rós come en peveròn, strach prima ancora de scominziàr, el giuro, ho vist Santa Barbara che la me féva ségn de stàr atento ale bombe… che ’nveze l’era i famosi capùssi dela Val de Gresta, o ’na roba che ghe somigliéva. Ogni tànt i butèva su dala nèf…
«Dai, vòltete e bùtete zò adès, tègnete ben piegà ’nvanti, slarga gli sci drio e tègnei vizini ne le ponte. Eco, questo se ciama spazaneve: quando te sarài bòm de far ben el spazaneve t’ensegno el cristiana, coi sci streti, gualivi.»
 
A cossa servìs spazàr la nef dove envéze la servìva per sciàr, no l’ho mai capì.
Ho capì subit però che quando coi sci te ciàpi l’anda e no te sei bom de frenàr… Te vai a svoltolóm.
E nò ’na volta sola. Almen dóe, tréee, anche quàtro, dipende da come l’è l’anda che te ciapi.
O se prima te trovi le rame d’en ninzòler, se va bem, le dàse d’en pim, se va mal, ’na bòra grossa de fagio se la va ancora pu mal.
 
Ghe la metévo tuta neh, ma no l’è véra che a nàr en zó ogni sant te aiuta.
Perché Santa Barbara da quel dì no l’ho pù nominàda. Meio dèse Ave Maria pitòst… A me papà, dai e dai, devo averghe fat pecà, perché el m’ha dit: «Eh, ’l so mì perché sti sci no i va bèm, i è senza làmine.
«Doman matina en falegnameria taio zó do fileti de fèr e te le ’nguido soto. Te derài che alora i scì i tèi de pù.
Col temp ho ’mparà a siàr, anca bem dai. Pu bem de mi (e som stà mì a ensegnarghe…) i ha ‘mparà i me fradèi.
El Mariano, maestro de sci e adès un che ensegna a sciar perfìm ai maltèsi.
Ma soratùt el Paolo, che l’è deventà istrutòr e ’l ghe fa i esami a quei che vol deventar maestri, pensa ti.
 
Ho fàt anca gare de tuti i tipi e ‘n tuti i posti. Mai deventà en campióm come me fradèi perché a ’n zerto punto me piaséva pù el doposci che el sciàr.
Propri lì ho fat l me prìm giornalìn: el se ciamèva el Bucaneve. Con interviste a quei de Arco, del Sci Club Arco, che néva ala Marcialonga, con tuti i risultati dei boci nel sci, nel fondo, anca co’ le slite (le sorèle Ischia le era le pù brave).
Po’ le premiazión de solit i le feva, a Campiglio, en de na discoteca.
E ho scominzià lì a capir che forse le morosòte le era meio che finìr a svoltolòm nela néf.
 
Tra l’altro ‘na volta, propri a Campiglio, en d’ena gara de discesa libera che finìva nel Canalom Miramonti, ho ciapà la prima grossa ciavàdona.
Ero su pronto per partir quando scominzia a nevegàr. Un dei boci, pu bravi de noi che partivèm con numeri alti, el me fa:
«Dài prestami gli occhiali che te li riporto su in tempo per la tua partenza.»
Pù vist. Né lù, né i ociai e gnanca la pista vedevo: en macióm bianco davanti ai oci pieni de nef.
Arivà ‘n zima al Canalòm ho fat en salt me digo de dèse metri e som aterà come en misile.
Pòm nela nef co le ponte dei sci, crac de drio. Sci taiàdi en doi e ’n màl de testa de gambe de brazi per ’na stimàna.
 
N’altra volta enveze, a Bordala, fàgo na prima mansch ala Thoeni.
Sento che vago bem, volo, magno i paléti un drio l’alter.
Arivo zò tut contènt e vedo che tuti i me varda en maniera strana:
«Ma come, oscia, no me par de aver fat ‘na discesa da lumàz…!»
Me papà el me fa ségn. Vardo dove el me dìs de vardàr e su ’sta pista gh’è en segn ros che va drio a tute le porte.
Ma dài, digo da per mi, i gh’ha mès anca el color perché no sbagliente direziòm?
No l’avevo vist… eh ma en gara te sei ciapà da altri pensèri….
Me papà el me dìs de vardarme la gamba zanca: en sbrèch de vinti zentimetri, sangue che vei for dala tuta come da ’n rubinèt.
Eco, la pù bela gara de slalom gigante de la me vita l’è finìa con trenta ponti a l’ospedal.
Taià per el sci mi? Pù de così…