Quando févo 'l corispondènte/ 2 – Di Cornelio Galas

Quéla volta che el todésch e s’ha encazà: «Che kazzen schreiben sie... in meine Haus machen quel cazzen che wollen... Scheise giornalisten. Grosse Scheise…»

V'ho zà dìt de quando ero corispondènte da Drena per l'Adige? Ah sì, la stimàna pasàda.
Scusé ma zamài me desméntego anca de tiràr su la la zernéra de la botéga quando vegno fòra dal césso... sém messi mal.
Tutmal som stà corispondente del giornal anca da Dro, Nàch, Torbole e perfìm de Tém e Val de Leder. Fim quando i s'è acorti che i me déva massa soldi per i articoi publicai nela pagina dele Val, tant a riga.
E alora, ale tante, i m'ha ciamà a Riva. Per scriver... dale zità dela Busa.
 
Ma torném ai comuni pù picoi. Ala vita da corispondente.
La pù bèla? A Dro, de sicur. Perché ogni dì en vegnìva fòra una de nove dai... sdrògi. Propri a scominziar dal dialèt.
«Vegno giò giobia col gerlo del gialét con giò le ciarése...».
No so se me spiego, el modo che i gavéva e i gà ancora de parlar.
Subit – come per Drena – me som tegnù en bona el paroco, el maresiàl dela stazióm dei carabinieri e po' tuti i capi dele associazióm: da quele del balom a quela dele comedie (col pòr Nilo Faitelli), da quela del tamburel a quela dela banda (col Guerino Malfer), dai pompieri al Naimor del tabachìm.
E via cosìta. Che bastéva nàr al bar Centrale dei Somadossi (dove gh'era anca el Dino, quel che l'ha tirà su la Centrale de Fies, el teatro, tuta la cultura), a quel denor dele Palme o via al Pont per savér en do minuti quel che suzedéva.
 
Per esempi en dì i me dìs che na fabrica de gins, en font al paés, na fabrica che – unica oltre a l'Apia de Arco – la ghe deva lavoro a tante done, la sarìa stàda serada dala matina ala sera.
Me posto, la sera, sul pogiòl de 'n grataziél (che al primo piano gh'era el Bonani dele scarpe, quel che po' l'ha fat el Supermarket della Calzatura sula nova strada granda) e oscia, vers le nove de sera scominzia a rivar i camiom che porta via le machine.
E clic, clic, clic col nòf binocolóm davanti ala machina. Tuti fotografai.
E 'l di dopo en casin dela madona coi sindacati davanti ala fabrica co 'n mam l'Adige e… le me foto en prima pagina.
 
N'altra volta um al bar el me dis: «Sat gnent de quei doi, fradèl e sorèla?».
Oscia, vei fòra che ùm el gà el còr a destra e l'altra el cor giust a sinistra ma el fegato da l'altra banda.
Anca chi foto, copia dele lastre... En casim el dì dopo coi dotori che zerchéva de vegnir a um de sta gabola.
E a proposito de dotori. La storia del Rizoneli. Dotor de faméa (medico di base i ghe ciama adès), che sicome i gaveva rot le bàle cole nove carte da firmar, l'ha scominzià a far le ricete... sula cortéza dei arboi (làres me pàr).
 
No l'è finìa. En dì, el Livio Sartorèl (l'è ancora de fato el capo dela filodramatica de Dro) el me fa far na scarpinada sora el camp da motocross del Ziclamìm.
«Varda – el me fa metendo na màm en de na pocia – sta chì l'è l'aqua de le Bene. Ma l'è istessa a quela de Comam... la fa ben come quela».
E zo n'altro articol finì en prima pagina (ma le righe en prima, fate da altri, no i te le pagheva neh).
 
Miga semper l'èi nàda bèm.
Na volta vago vers Cavédem. Volevo farghe la foto al lach che 'l sèra sbassà (anca alora gh'era ogni tant le sùte).
E denor ala stràa vedo en cartel: «Attenzione, sparatore automatico».
Eh, oscia, me digo. Vot che ghe sia denter sul serio na mitragliatrice?
Alora ciàpo en balòt el buto denter. Gnente. Ciàpo n'altro balòt...gnente.
Fago la foto, vago via. E 'l di dopo gh'è el so bel articol sul giornal.
Poch dopo mezdì ariva en redaziom (pardom, a l'uficio de corispondenza) na telefonada:
«Che kazzen schreiben sie, was wollen... in meine Haus machen quel cazzen che wolle... Scheise giornalisten. Grosse Scheise.»
Zà, perché el cartel l'era scrit anca en todesch. L'è finìa co na bira e 'n par de probusti na sera.
Da alora no ho pù fat foto a cartei dele vile de Caveden e gnanca de altre bande.
 
Per finir, la storia del frà da zerca.
En dì, no so gnanca mi perché, forsi per farghe en scherz a quei de la filodramatica, ghe domando en prest la tònega da frate al fra Silvio Bottes, de le Grazie, amico cazzador dei mei, scultor famoso (el vegniva en falegnameria a farse far i tochi che ghe serviva).
Vestì da frate, ensema al Livio Sartorel, fàgo el giro de Dro a tor su... ovi per i frati del convent,
N'avem tot su tanti. Da far na ventina de fortaie.
Avrìa podù torne su de pu se, arivai al bar de l'Alfio (alora denter el paes) sto chi no l'avés vist che ai pei enveze dei sàndai gavévo...le scarpe de ginastica. Cramento...