Loppio-Busa: «Tutto procede secondo programma?

Perplesso il nostro Cornelio Galas che «el vede sol loppio, canne e buse»

>
Annuncia l'assessore Mauro Gilmozzi: 
«Infondati i timori di qualcuno. L'opera si farà, come detto pubblicamente. Entro l'anno appalto per S. Isidoro e galleria di Nago.» 
Gli risponde Cornelio Galas.

Caro asesór Mauro, te dàgo del tì perché su e zó me par che gavém i stéssi ani.
Sugli «infondati timori», te dirò, parla um dei tanti che scrive de la Lopio-Busa da almen trent’ani, che gavrìa… profondi dubi. Nel senso che quel che te dìsi tì adès i l’ha dit tanti che prima de ti era su la tò carèga a Trent.
No stàgo chi a stufarte coi articoi veci, cole carte vecie, coi verbài de almen en zentinàr de riuniom.
Te digo sol, caro Mauro, che fórsi ne la «Busa», i è davéra stufi e agri de sto dàmela e tòmela.
E l’è per quel, en font, che no i ghe crede gnanca pù al diàol, anca se ’l gavéssa el famoso cuèrcio dela so padèla.
Capì come?
 
T’en conto dóe che forsi no te sài. Ani e ani fa (no l’alter dì per dir neh) el Comun de Arco l’avéva més en cont sul so bilancio la rotatoria de Bolignam. I soldi i gh’era, el progièto anca.
Tut blocà. Perché? Perché osc’ia – i gà dit su a Trent – l’era na spesa en de pù. «Che tanto i avrìa fat en pressa la Lopio-Busa.»
L’altra storia. Mi abito a Vignole. De nòr a mì gh’è l’hotel Everest. Avém domandà le bariere contro i rumori. I n’ha dit de no. Perché? Perché prest – questo i ne l’ha dit zamai sei ani endrìo – se fa la Lopio Busa.
Po’ n’altra roba. Chi èlo che gà dit ai giornalisti dela Rai de Trent che adès gh’è en bàl anca el treno? 
 
Ensoma, te me capirài bem, caro Mauro, che come diséva el por Giulio, a pensar mal ogni tant te l’embròchi.
Te saludo. Se te vòi te mando el dossié de trent’ani de articoi su l’Adige su sta Lopio-Busa, così magari, quando te l’inauguri te gài zà la storia pronta.
Spero tant che quel dì ghe sià almen me neó.
Ciao mauréto, te spèto ai Marosi de Bolignam quando parte la «Lopio-Busa».
Pago mi, tranquilo…

Cornelio Galas
  
Articolo pubblicato da l'Adige il 2 marzo 1988.