E.A.T. - Enteligenza Artifizàl Trentina – Di Cornelio Galas

Ala fim la me risponde: «Tei, putèl, sarò anca na machina ma no son móna...»

Fórsi non tuti i lo sa ma da qualche stimàna sul compiuter, senza (per entant... po' se vedrà) spender gnènt, basta scriver «Eat» e vèi fòra na roba tipo gùghel, Che te pòdi domandarghe quel che te vòi e 'sta... 'sta aplicazióm, ciaménteghe cosìta, la te risponde subit.
Noi avém provà e bisogna dir che sto agegio el funziona. Eco come l'è nada...
 
Ciao Eat, ma tì sét dei nòssi?
A dirla tuta i m'avrìa més ensèma 'n d'en laboratòri su per Gàrdol. Ma con tòchi che vèi anca dala Cina. Però dài, el trentìm el me l'ha ensegnà en tecnico lezù e studià dei vòssi.
Ma pàrlit sol el dialèt de Gàrdol o anca de altri posti del Trentim?
Ah se l'è per quel conósso anca tute le altre parlàe neh. Per esempi quela de Dro... «Vegno giò giòbia col gerlo dele ciarése con giò 'l giolét...» Che 'n dìsit vecio?
Ah, propri bravo, ma sét anca svelto nel parlar?
Sta 'tento adès neh... «Mi el dis, so el dis, che el dis, lù el dis, l'ha el dis, disnà el dis, ma el dis, lù el dis, no el dis lo sa el dis, che anca mi el dis, ho el dis, disnà el dìs».
 
Robe da no creder, ma passém ai fàti. Dime come se fa el brò brusà...
Alora, tolè novanta grami de farina bianca, en bicér de oio del Noss, sal, pever e en litro de acqua: fé voi i conti de quel che ne a spender. Scaldè en de na padela de fer l’oio… steghe drio però... Alora oio… Quando el frìtega, zò la fina e sbassè la fiama… Entant via de oio de gomet col cuciar de legn… Piam piam… che el se ròsola bem.
Vol dir che el ciapa en color marom scur. No che el brusa… el se ciama brò brusà ma no l’è brusà sul serio… se fa per dir… Oooh no so perché i ghe ciama brò brusà ma nó ’l deve brusar…
Bom, entant fe bolir l’acqua col sal (quant che basta… se de solit la roba la ve pias con en chilo de sal gross, cavoli vossi) e a quel punto dentro la fina quasi brusada (disente così). En bel frustin e nar de braz… De pu de pu se nò vei forai smargeloti…
Pò zo el péver… e l’è pront.
 
Ghè vari modi de farlo, coi bìgoi grossi (taiàdi l’è mèio se no fé mèio a far la pasta col ragù), coi fasoi, co altri tipi de pasta.
Oscia, te conóssi la ricèta meio de mi... ma ném sul difìzile: quei de Nàch?
Tic e tac.
Quei de Bolignàm?
I lo gà semper en mam
Quei de Roveredo?
Meio se no i vedo.
E quei de Móri?
Pèze sul cul anca dei sióri
 
Vardem come te sei en fato de storia... cossa gh'era na volta su a Sardagna?
Massì dài gh'era que l'ors en gabia che ades enveze i li mete al Casteler
Lorenzo Dellai?
L'è stà sindaco de Trent, po' presidente dela Provinza e anca en Parlament zó a Roma... adés me par che l'abia scominzià a darse a l'alpinismo ensema al Messner... l'ha fat anca en prim campo base sul Bondom.
 
Cramento, te sei propri agiornà. Dai dìme cossa la fa l'Aquila Basket con l'Armani de Milam stasera...
Oh, vecio, se te vòi saver ste robe prima che le suzéda... avèrzi el portafòi valà.
Sarò anca na machina ma anca a mi me pias ciapar i soldi dele scomese sat.