Quel che se dìs col telefonìm – Di Cornelio Galas

Coi telefoni fissi néva tut bem. Ades coi portatili, bisogneria gavérne dói...

Zamài l'è da ani che se no te gài 'n telefonìm (e magari anca le cufie) te risci de esser taià fòr dal mondo.
Ensoma, la vita l'èi cambiada co sti agégi che te devi avérghe sèmper drìo. Se no te par squasi de nar en giro senza le braghe e anca le mudande. Bèla ròba, se sa, el progrès. Pò col telefonìm te pòi far tante robe oltra a... parlar. Per esempi registrar, far foto, cine, trovar subit quel che te zérchi.

Eco, disénte che el telefono fisso, quel che zamài no se dròpa pù, l'è deventà come quel quadro che se se porta drìo nei vari traslochi. E che entant l'è lì... sul mur.
Semài eco el podrìa servir per zercar el celulare quando se l'è desmentegà da qualche banda. Meti... al cesso. O nela machina en garàs.
 
De zert no gh'è pù la pràivasi de 'na volta. E no l'è colpa mia se, nando en giro, devo scoltàr quel che i se dis en sti telefonini.
El pù dele volte, per la verità, sicome no gh'è magari la viva vóze, te senti sto chì che par che el parla... per so cont. E 'ntànt el camina per stràa.
«Sì... sì... sì, come no... sì, eh oscia... vot méter sì... ma t'ho dit de si... (entànt el béca el pal del semaforo en testa)... Cramento, diaolporco... no no disévo a ti... Va in mona valà... No no la gò su con ti... Te digo de sì... Ma l'è per dir no, no stà encazàrte... boia de quel pal!»
 
Pò vèi fòr anca dele situazióm che, dai, el te fa anca pecà quel pòr om che 'l sta zenàndo co na bela dona che tra tì e tì te disi che no l'è la so sposa.. E a 'n zerto punto sona el telefonim.
St'om el se alza, el ghe fa en bel sorisét ala dona sentàda al tàol dove i era ancora drìo a vardar cossa magnar e... e 'l va vers el bagno.
E alora, sicome tì te sei curiós come na scimia, te fai finta de dover anca tì nar a pisàr... e te senti:
«No, scùseme, som ciapà en uficio. Volerìa sbagliarme ma penso che la narà per le longhe sàt... Sì sì, ti va pur a dormir che mi me rangio co 'n tost. No sta spetarme perché no so a che ora arivo neh... Ciao ciao cccciao...»
 
No ghé tutmal sol situazióm strane come queste. Soratùt i vecioti (che i méte semper el viva vóze perché ghe par de sentir meio) i te fa anca pecà....
«Ciao Maria, me sèntit? Ah eco, scolta piòvelo anca lì da ti? Gina, varda che abitém ne l'istés palàz neh.
«Sì ma ti te sei a l'ultim piam, magari lì fa anca fret...»
Opùra:
«Scolta me faréssit en colp che no trovo pù el me telefonìm?»
«Ma come? Se te me stài telefonando...»
«Sì ma questo l'è quel de me marì... che volevo telefonarghe per dirghe che 'l l'ha desmentegà chi a cà...»
 
N'altro casìm dei telefonini l'è quel dei mesagi.
Ne parla da temp tuti. Soratut i avocati che stà drìo a le questiom de separazióm.
Pe no parlar po' dele entercetazióm, che dala matina ala sera le pòl meterte en crós...
«Scolta, sét a pescar?-Sì, el temp de ciapàr qualcos...»
«Bèm, varda che t'hai tòt su el me telefonim per sbài. Som chì col tuo. E t'ha apena telefonà... la trota. La dìs che la te spèta al solito bar.»
 
O ancora:
«Sei uno stronzo, non mi avevi detto che eri sposato.»
Risposta all'sms: «No è solo mia moglie che è sposata, io no...»
(En tagliam, se sa…)
Per finìr ensoma, ocio a dropàr i telefonini. Opura se podé, crompéne dòi, um per le robe normali, l'alter per quele da tegnir scondùe.
Ma no ste fàr come en me amico che l'ha crompà do telefonini gualivi. Co la stessa cover (cuèrta de plastica).
E adés no 'l sa pù quel da sconder ala sposa... cramento.