Sto calt el m'ha rot le bale – Di Cornelio Galas

Se me meto su na gradèla... me par de star pù fresch. Parlo per dal bom

Entant sperénte che tra algéri sera e ancòi (domenega 27 agost), come diseva i esperti, l'abia fàt le famose do goze (meio de pù, se sa) perché me sa che tuti quanti sem stufi de... arfiàr. Perché, diaolporco, mai come st'am, sto calt l'ha rot dalbon le bale.
E ve lo dìs um che da bocia el néva en giro coi so veci nela seizento senza climatizator.
Nei posti de drio dove no se podeva gnanca tirar zo i vedri dela machina neh.

E chi el Guido el vòl dir la sua.
«Quando ho potèst – el dis el Guido, – me son tolt na Mercedes. En diselon. L’auto l’era granda, la neva a gasolio (alora el costéva en terzo de la benzina e fevo el pendolar Trento Rovereto. Me la som pagàda for). La féva sol i 135 a l’ora… no l’era propri come i disel d’ancoi.
Bem, non la gaveva l’aria condizionada. Alora l’era roba da sióri. I todeschi en Germania no gaveva de sti problemi: non féva mai calt.
Te gavevi i finestrini anca drio, l'è vera, ma non te podévi daverzerli. Gh'era i defletori, sì, che ancòi no i g'hè pu.
Bom. L’era comunque meio nar en mercedes che en seizento.
 
Eco, adès che l’ha parlà lù, continuo mi.
Depù: quando nevo zò nela falegnameria de me papà a taiar su mogano e pézi, gavévem tuti (mi e i operai) sula boca en fazolet da caoboy. Come quando se spruzéva la vernis.
Oltre a deventar mìzi dal sudor, dopo, me nona la ne porteva zo bicierazi de lat. Perché i diseva, alora, che el lat el te rinfrescheva e 'l porteva via la polver dal nàs.... no ho mai capì se l'era vera o sol na scusa per nar n'atimìm via da quel inferno.
 
Tutmal en qualche maniera sem vegnùi fòra da quéle calure.
Però me par che st'am (come nel domili e trei, de pù) com'èla come no èla, el sol 'l n'àbia coti, stracoti e anca fat deventar pù nervosi del solit.
Propri l'alter dì, al semaforo de Vignole, denór a dove abito, ho sentì de colp um che, en moto, 'l goséva: «Alora, diaolpòrco (no l'ha propri dit cosìta... l’è nà pù en su…) nénte o sténte?
«Volé che ve daga en butom per nar envanti... Chi t'ha cagà, de... to mare” (no l'era propri queste le parole... ma pù brute e de pù). Se sa, co sto calt se còse anca i zervèi.
 
I dìs, quei pù lezui e studiai, che zamai ghe sem: giàz e néf en montagna prést podrém desmentegarli.
Tanto che per le piste da sciar i pensa a far grossi frigoriferi per tegnir via qualcos per l'inverno.
Per no parlar de quei che dìs zà da adès de cambiar i sci con quei a rodele per nar su l'erba.
O adritura de far le piste metendo zò mochèt o plastica.
Non se canterà pù «Sen rivàdi sul Montòz/ strozegàndo el cùl sul giàz»

Che po' – e parlo da vecio sciadór – se i trovés envéze el modo de enfumegàr de mem l'aria de sto mondo sarìa envéze meio che pensar a ste monàe.
Entant st'istà (e sperénte la sia finìa neh) i climatizatóri i è nài a manéta. A parte le bolete che ariverà me vei en ment quando el Draghi el domandeva ai 'taliani:
«Volete che la guerra in Ucraina finisca, o utilizzare i condizionatori?»
Giuro, no vòi che la vaga envanti quela maledeta guera. Ma gnanca arfiàr al punto de voler butarme nel Salom, el torentel vizim a me casa (che tra l'altro - gnanca dirlo - l'è da stimane praticamente sùt».
 
Gh'è anca quei che stà pèzo de mi, 'l so.
Per esempi – l'avrè lèt o sentù en televisióm – quel por operaio de Riva finì en gravi condizióm en rianimazióm al Santa Chiara de Trent.
E tanti altri che laóra tut el dì sóto el sol. Che (sol adès?) anca i sindacati i dis che a 35 gradi no se pòl laoràr en zerti posti.
 
E chì me domando a che termometro bisogneria darghe resom.
Perché sul me telefonim, nela «app» (el botóm) del meteo, de temperadure i ne segna semper dóe: quela normale (se fa per dir...) e quela «percepita».
Come a dir: te par che 'l sia 34 gradi. Ma el calt che te senti dalbom l'è de pù: magari anca quaranta.
E tut par che 'l sia dovù a l'umidità o altri mistéri de l'ombrela che sol quei che ne sa de pù de mi podrìa spiegàrve.
 
Zerto, vardando quei che laora vizim a me casa drìo ai «capòti» (che zà la parola la me fa vegnir ancora pù calt) me sa che no ghe sia tanta diferènza tra normale e percepita.
E no l'è che i vaga su quei pontézi... de not.
Dopo, se sa, come su tute le robe, gh'è anca quei che el calt no ghe fa gnanca na fìza.
Anzi i se mete magari fòra sul pontesèl a ciapàr el sol...
 
L'è en po' come me suocero. Poche stimàne endrìo som nà a trovarlo.
L'era serà en casa, lonch dirent sul divano, co le barghe longhe, en golfim e sora anca na quertèla.
Gnanca en ventiladór. Climatizador? No 'l sa gnanca cossa che 'l sia.
En calt dela madòna.
Ho scominzià a cavarme la maiéta... e anca le braghe corte... me sarìa tot anca le mudande, cramento.
E lù: «Cornelio, varda che te te ciàpi su qualcòs a star nut cosìta... vot n'acapatòi?»